என் மனைவி

என் மனைவி

நான் நேசிக்கும்
நிஜமான உறவு

என் வாழ்க்கையில்  மகிழ்ச்சியை

வற்றாமல்  வழங்கிக்கொண்டிருக்கும் 

நல்வரவு

என் தாயின் அன்பையும்
என் தந்தையின் ஆற்றலையும் 

என் சகோதர தைரியத்தையும்

எனக்கு ஒன்றாக கொடுப்பவள்

என்னை பின் தொடரும்
என் நிழல் அல்ல அவள்

என் நெஞ்சுக்குள் குடியிருக்கும்

 நிஜமானவள்

காதலித்துக் கைபிடிக்கவில்லை

 கைபிடித்தும் காதலிக்கவில்லை

என்னதான் கொடுத்தாய்

 என்றுதானே கேட்கிறீர்கள்

சோகத்தை கொடுத்தேன்
சுகமாக மாற்றினால்

வறுமையைக் கொடுத்தேன்

 வளமாக ஏற்றுக்கொண்டாள்

பொறுமையை சோதித்தேன்

 பெறுமையாக மாற்றிகொண்டாள்

அருமையான பெண் என்று

 அனைவரும் போற்றினார்கள்

கடுமையான பயிற்சியில்
எனக்கு ஏற்ற துனையாக
நான் மாற்றிக்கொண்டேன்

என்னையே அவளுக்காக

அர்ப்பணித்து நான் ஏற்றுக்கொண்டேன்

அரசனுக்கு பணிவிடைசெய்யும் 

அடியாட்கள் அல்ல அவள்

தெய்வத்திற்கு சேவைசெய்யும்

 தேவனின் அடியாள‍்

பிள்ளைகளுக்கு அவள் தாயல்ல

 நல்ல தோழி

கணவனுக்கு அவள் மனைவியல்ல

 நல்ல தாய்

உறவினர்களிடம் 

அவள் குணம் பற்றி 

உறக்கச் சொன்னேன்

நண்பர்களிடம் அவளின்

 நன்னடத்தை பற்றி 

நன்றி மறக்காமல் எடுத்துரைத்தேன்

மனைவியிடம் மட்டும்

 ஏதுவுமே சொல்லாமல்
மறைத்து விட்டு 

மெளனமாக நின்றுவிட்டேன்

நன்றி கெட்டவன்
நான் என்று  நினைத்து கொண்டு
சத்தமிட்டு சண்டையிடுவாள்

 மகிழ்ச்சியாக ஏற்றுக்கொள்வேன்

நான் செய்த பிழைகளுக்கு

 இதை தண்டனையாக 

மாற்றிகொள்வேன்

அவள் மீது நான் கொண்ட அன்பு

 என் பிள்ளைகளுக்கு தெரியும்

என்னை பெற்றவருக்கும்
அவளை பெற்றவருக்கும்

 ஏன் உறவினர்கள் நண்பர்கள்

 அனைவர்களுக்கும் கூட

 நன்கு தெரியும் ஆனால்

அவளுக்கு மட்டும் தெரியாது

 காரணம் நான் அவளை
பாரட்டியதே கிடையாது

நான் அவளை திட்டுவதாக நினைப்பால்

நிஜமாக சொன்னால்
அவளை நான் திட்டுவதில்லை
பட்டை தீட்டப்படுவது

அறியாமையை 

அவளுக்குள் இருந்து

 அகற்றுவது

பல நேரங்களில்
அந்த அறியாமை தான் 

அவளின் முழுமையான 

அன்பையே மொத்தமாக காட்டியது

அவளுக்குள் கஷ்டங்கள்
ஆயிரம் இருந்தாலும் 

அவள் இருக்குமிடம் நிச்சயம்

 கலகலப்புக்கு பஞ்சமிருக்காது

சில நேரங்களில் இவள் ஒரு 

வயதான சிறுபிள்ளையோ

என்று என்னத் தோன்றும்

என்னதான் இருந்தாலும்
அவள் என் மனைவி 

என் உயிரைக் காக்கும் பெட்டகம்

எனக்கு எல்லா வேலைகளும்

 எல்லா உதவிகளையும்
செய்கிறாள் என்பதால் 

அவள் என் அடிமையல்ல

அவளுக்கு

 நான் எந்த உதவியும்

 செய்யவில்லை என்றாலும் 

அவளின் அன்புக்கு நான் 

அடிமையானவன்

என்னை 

ஆண்டுகொண்டிருக்கும் ராணி

வாழ்க்கையில் உயரத்திற்கு

 நான் ஏறிவந்த ஏணி

உறவுகள் என்னவென்றும்
உலகம் என்னவென்றும் 

உணர்வால் எனக்கு 

உணர்த்திக்காட்டிய ஞானி

மறைக்காமல் உண்மையை

 மறுக்காமல் சொன்னால்

ஒருநாள் அவளைபிரிந்தாலும்   

 உ டைந்து விட்டதோ வலக்கை

முடிந்து விட்டதோ வாழ்க்கை

என்று என்னத் தோன்றும்

இதை சொல்வதற்கு எனக்கு

 எந்தவிதமான வெட்கமில்லை

மாறாக மிகவும் பெருமைகொள்கிறேன்

என்னதான் ஆண்மகனாக
நான் இருந்தாலும்

எனக்குள் இருந்து ஆளும் ஆன்மா
என் மனைவி

முடிந்தால் அவளிடத்தில்
என் மனதின் மறுபக்கத்தை

நான் மடிந்து விழுவதற்குமுன்

 மறக்காமல்சொல்லிவிடுங்கள்

                         தம்பிதுரை