பெண் குழந்தை

பெண் குழந்தை

ஒருவன்
வாழ்கின்ற வாழ்க்கைக்கு
அர்த்தம் சொல்லுபவள்

வாழ்கின்ற வாழ்க்கையையே அர்த்தமாக்குபவள்

வசந்தத்தை நமக்குள்ளே வரவழைப்பவள்

பெண் குழந்தை
இல்லாத வீடு.
ஓர் பொட்டல் காடு

பருவத்தில்
மழை பொழிந்தால்
சிறு இலை தலைகளை
காணலாம்

பெண் குழந்தை
இருக்கும் வீடு
.அது பசுமை நிறைந்த
நந்தவனம்

பூக்கள் சிரிக்கும்
பூங்காவனம்

சோம்பேறியான
மனிதனைக்கூட
உழைக்கவைக்கும்
எந்திரம்

சோர்வடைந்து
மனம் தளர்ந்தால்

புத்துணர்வு பொங்கிவர. நீ
உச்சரிக்கும் மந்திரம்

தாய்க்கும் தந்தைக்கும்
நேசம் இனைப்பவள்

தாயோடும் தந்தையோடும்
பாசம் மிகுந்தவள்

முரட்டுத்தனமான
மனிதைக்கூட

மென்மையாக
மாற்றுபவள்

முள்ளையும்
மலர வைப்பவள்

பெண் குழந்தை
உள்ள வீடு .
ஓர் சிறு கோவில்

வெள்ளிக் கொலுசுகள்
அணிந்த கலைமகள்
ஓடியாடி
விளையாடும் திருமகள்

சந்தனம் மணக்கும்
மஞ்சள் மணக்கும்
மங்களகரமாக
வீடேயிருக்கும்

பண்டிகை என்று
வந்துவிட்டால்
வீட்டில் எங்கும் 
தீப ஒளிதான்

பெண் பிள்ளை
இருக்கும் வீட்டில்
நாள்தோறுமே
தீபாவளி தான்

மனம் தளர்ந்து
அமைதியிலக்கும்
வேளையிலே

மகள் முகம்
பார்த்து விட்டால்
புத்துணர்வு
பொங்கிவரும்
வாழ்வினிலே

நாத ஒலி
சலங்கை ஒலி
மங்களவாத்தியம்
இன்னிசை யாவும்

மகளின் இதழ் திறந்து
குயிலின் குரல் கலந்து
குழலின் இனிமையாக

அப்பா என்று
அழைக்கும்போது
அனைத்து இசையும்
காணாமல் போகும்

நாம் பிறந்த பிறவியின்
முழுப்பயனாக மாறும்

எத்தனை வறுமையில்
நான் இருந்தாலும்

எத்தனை செல்வம்
நான் பெற்றிருந்தாலும்

எனக்காக தனக்காக
கடைசி சொட்டு
கண்ணீர் சிந்தும்
என் பிள்ளை

அவளே பெண்பிள்ளை

பெண்பிள்ளை
பாசத்தின்
பெருமை கொள்ளும்
ஓர் தகப்பன்     ..தம்பிதுரை.......

தாய்

நான் பிறந்த போது
இந்த மகிழ்ச்சி
எனக்கில்லை

சிறுமியாக
சுற்றித் திரிந்ததும்

தாய் தந்தை
தோளில் தவழ்ந்ததும்

ஓடியாடி
விளையாடிய போதும்
இந்த மகிழ்ச்சி
எனக்கில்லை

இனிப்புப் புளிப்பு
காரங்களை
சுவைத்தபோதும்

எத்தனயோ பழங்கள்
காய்கள் கடித்தபோதும்

இந்த மகிழ்ச்சி
எனக்கில்லை

பள்ளியிலே
படித்த போதும்
பருவம் அடைந்த போதும்

ஆண் துனை
கிடைத்தபோதும்
இந்த மகிழ்ச்சி
எனக்கில்லை

உணவுக்கு
வழியில்லை
என்னை வறுமையும்
விடவில்லை

உழைக்கவும்
பயமில்லை
வயிற்றிலே
வளருது பிள்ளை

முன்னூறு நாள்
சுமந்தேன்
எத்தனையோ
இன்னல்களை
இடைவிடாது கடந்தேன்

முத்துப் போல் உன்னை 

முழுநிலவாய்
பெற்றெடுத்தேன்

மீண்டும் இந்த மண்ணிலே
நானே வந்து பிறந்ததாக
என்னி மகிழ்ந்தேன்

உன்னை
சுமக்கின்ற சுகமிருக்கே
அது சொர்க்கத்திலும்
கிடையாது

சொர்க்கமே
இதுதான் என்று
நான் சொன்னாலும்
புரியாது

உன்னை
தோளில் சுமக்கும்
இந்தத்‌ தருணம்
என் வாழ்வில்
கிடைத்த. உச்சசுகம்

பிறந்த பலனை
நான் அடைந்தேன்
அடுத்த பிறப்பு என்பதை
நான் மறந்தேன்

உறவு என்று
உன்னை சுமந்தேன்
என் உலகமும் சுகமும்
இதுவென மகிழ்ந்தேன் .
              ..தம்பிதுரை ...